di bini wider...

mi chef het auso total e egge furt. u nachere churze depression hani jetz wider neue muet. bi gester met em frenzi u em enrique chli am strand gsi. si hei mer de muet gmacht u mir si grad churzerhand 2 steue ga luege. i ha bir einte gueti chance u cha am mo wider verbii ga. u de erst no imene mega schöne gedigene resti. es wär zwar nur aus pizzaiolo, aber houptsach i mues nid hei. u aues isch besser aus hie.dr lohn chumi über so wies usgseht aber natürli nid aues.komedi. zum glück chumi schüsch no chli gäurd über.
dr enrique het na ferie u wüu ja s frenzi o e job suecht mache mir morn oder so e grossi hoteltour. u verteile läbeslöif. dr enrique het gmeint das göi hie viu meh aus nur schicke.mau luege

Hello Fröinde

Im Momänt loufts grad nid so guet. D Lüt aues wär super. Aber dr Job isch ächt dr Hass u i bi nid mau sicher obi de mi Lohn überhoupt überchume. Mi chef dä verzeut immer nur was är aues wöu mache, macht aber genau nüt. I ha e Kasse wo nid geit, dr Tiefchüeler stigt jede 2. Tag us au Stung si d Sicherige dusse. Näbst däm das i statt 40h minimum 60 muess schaffe. wes guet geit hani ei Tag frei we nid de haut keine. I weis ame afe am 24 wie i am nächste Tag muess schaffe. U s schlimmste isch me cha mache was me wot es isch nid guet.
Jetz luegi für ne neue Job wüu mir sogar d Spanier gseit hei das sig nid guet u nid normal. I meine uf chli Chaos hani mi ja scho igsteut, aber das isch unmöglech.
I läbe ja met de Holländerinne zäme, die si ja nätt u so u mir heis guet, aber i ha nid mau es Zimmer für mi u die 3 si würkli die gröste Chaotinne. Wäsche düe si nie, u nä immer mis Züg. Wo i bi ir Ch gsi hei si mini Chleider agleit. Sorry aber i finge das isch ke Privatsphäre meh. I meine die kenne sich scho lang u si o z Holland befründet. Das isch wohl öbis angers.
Da i ja e neue Job suche, suechi jetz o grad no e Wohnig. Hoffe das chunt aues guet.

Die letschti Ozoooonooo Nacht

Viu z verzeue gits nid. ha ja eigentlich am Santy wöue säge dass i uf ne stah. aber är isch erst am 3 chu u de bini so überrascht gsi dasi grad bi überforderet gsi. aber hie no es paar Fotos...

Mis Date

haha isch vilich e chli überdribe. i ha dr ganz tag met em Santy gschribe, ei komedi, är het mi gfragt wies de mim fründ göigi u so. de hani gseit i heig kene. är heig ou ke Fründin. Aber i bruchi doch e spanische Fründ. De hani gseit i wöu nur eine u dä wöu mi nid. De het är natürli wöue wüsse wär de. ha de gschribe i sägi ihms nid, vilich de später mau. Has ja nid wöue schribe. De hei mer no gha wäge dr schwiz u so. De het är gseit schöns Wätter sig nid aues. I ha de gfragt was är de na bruchi zum glücklich si. De het är gschribe: inteligänti lüt, öbis zum mache u Kultur. De ig: es git nüm so viu intelligänti Lüüt uf dere Wäut. De är: doch du. Hani mega härzig gfunge.
I ha de dänkt i nimme mi Muet zäme u ha eifach gschribe we är de mau eis wöu ga trinke söu ärs de nur säge. De het är gschribe är heig grad erfahre dass är am Abe in Puerto Rico sig wüu d Sally e Show het hie. I söu ihm doch schribe weni fertig sig met schaffe.
Das hani de o gmacht. bi sogar früecher hei. Useklepft wie sibe bini de mit dr Michelle i das Hotel wo si si gsi. Är het mer de gseit d Sally heig Geburri. Die isch ächt lustig. Nur d Michelle isch irgenwie mudrig gsi u komisch.
De hei si sone Strandtüechershow no gha u dr Santy het mer de eis wöue choufe.hihi. E sone Schlangeshow isch o no gsi. de het är immer mi Arm ufgha dass i wöu mitmache. hahah scho klar das i ga go e show mitmache u de no mit Tier.
Ha das mau sogar e chli met ihm gredt. Bi richtig Stouz. I ha de nid mau dörfe zahle. Darum hani ihm hüt gschribe i heig ihn nümme gärn. :-)
Hüt hei mer wider dr ganz Tag chattet. U morn isch ja dr letscht abe Ozonoooooooooooo

e wiiteri komedi

gester isch ja Friti gsi. Ratet mau wär hüt am 13.00 isch hei cho u am 14 het müesse schaffe? hmmm wieso so wiit het chönne cho?
Mir si wie immer am Friti is Ozono. D Michelle u schüsch no e Holländerin si mitcho. wüu mir chli spät si gsi hets nüm glängt für is Roger`s da i mit em Fränzi u em Enrique ha abgmacht. Im Ozono isch de zimli giizig gsi u mir si aui wider gange. dr Santy het ou irgendwie gspunne u mir nid mau richtig tschüss gseit. aber de hüt grad wider inegrännet. jetz lani ne mau chli la si.
Mir si de aui zäme vo Ozono richtig Stadt gloffe. dert bini de afe däm vom Kebap übere wäg gloffe. hahah däm si fasch d Ouge us em Chopf gheit.
de si mer is China withe u i has super gha. Später hei de d Holländerinne is Pascha wöue. I bi de wüuis versproche ha no i die bar wo do mi Kolleg vom letschte mau schaffet. de hani ihm gseit mir sige schüsch im Pascha. De isch är nach em schaffe ( woubemerkt är schaffet bis am 04.30 ) ou no cho. de het är gseit obi nid bi ihm wöu penne. de hani gseit ausoo wüu i ha nid hei wöue. de bini mit ihm u sim Mitbewohner mit. Ha de dört pennet. Am morge woni ufs Wc bi, wär steit plötzlich vor mir wär Mia??? Di Tänzu. dä wohnt jo ou dert. Hahah de ei Komedi. Wo du jetz sigsch u so. u wieso i jetz plötzlich spanisch chönn.de bini nachli ga penne. de seit mir mis Gspändli afe dass är mi liebi. ja ja komedi. de hani dert na müesse ässe wüu si für mi kochet hei. hahah huere lustig. u e Marocc-Münzetee hani ou no müesse nä bevor i gange bi.haha de het er mi no wöue uf PR bringe aber i has de vorzoge allei z go :-)

ei huere Komedi...

i bi jetz öbbe met de Holländerinne dusse gsi. mir si öffters so ine Pianobar wüu dört e schöne Sänger jede Abe Musig macht. Är isch vo Curazao.Es isch würkli no cool, me cha Lieder wünsche oder ar einti Ihri Schwost isch sogar ga singe. D Ilse wo hie mit mir schaffet fingt ne zimli härzig. auso het sichs o ergä das mer ihn hei lehre kenne u ame eis drunke hei u so. Irgendeinisch hei si de Nummere usduschet. Wüu hie e Fiirtig isch gsi het är de mau nid müesse schaffe u d ilse het mit ihm abgmacht. Mir si is Sinatra dört si mer öbbe u es het immer spanischi Läckerbisse :-) ( Mia nächsts Mau ) Hie isch ebe wie es Dorf aui kenne eim vor auem we me no blond isch :-)
Item, de hei mer met em Digo ( däm Sänger ) abgmacht u d Michelle isch o na mitcho. Im Verlouf vom Abe het sich de usegsteut dass dr Digo nid uf d Ilse sondern uf d Michelle steit. Das isch natürli doof. I ha de met dr Michelle gredt u si het gseit si fing ne eigentlich o guet aber das göi ja nid wäge dr Ilse. I ha Ihre de gseit das sis besser löig i meine es het ja no gnueg Manne hie. das het si de o gmacht.
Mir heis schüsch eigentlich ganz lustig gha.
Mir si de später is Joker. Hmm i ha Gratisidritt für aui chönne useschloh :-) uii isch das geil gsi dert. Aber dummerwiis het mir dr Digo immer inegrännet so hani nid richtig chönne ga dänzle u sooo. Irgendeinisch hani ne de chönne abschüttle u bi ga tanze. I säge öich. Cremeeee.
Plötzlich chunt d Ilse u seit: so mir gö. I ha no wöue ufmugge wüu i würkli nid ha hei wöue. Am nächste Tag hei si mir de aber verzeut wieso si so schnäu hei hei wöue.
Ei Komedi muess vilich no säge dr Digo isch 31 u d Michelle 19. jetz het e typ ar Michelle sini Nummere gä u dr Digo hets gseh. De het är do wie ne Sou u Ihre gseit si sig e Schlampe u aues wüestecheibs. Sie het ihm de Wasser hingenoche gschosse. U uf das abe isch är wider cho u het ihre gseit är göi jetz dä typ go sueche... u lährt ihre dr Bäccu übere Gring ab.
Hallo u i ha widermau alles verpasst :-)

Zwischenrechnung

hie isch es eifach Hammer. Chlini Zwüschebilanz. i bi jetz 3 Wuche hie. Ha 3 nummere übercho vo Type wo eis wei ga zieh. Eine mit hei gnoe ( aber nüt gmacht ) u weni use ga e chline Fanclub :-) Dönt doch vernünftig.

Hüt zieh i met de 3 Holländerinne is Huus. Bi mau gspannt. Es het zwar nur 2er Zimmer, aber mir hei e Garte... Das heisst Garte Party ohne Ende.

Es brönnt...

hüt isch wider eine vo dene Täg wo me ame besser im Bett würd blibe. I ha am 8i müesse afa u zmorge zwäg mache.Näbst däm das me hie nie gnau weiss was me mues mache, si scho zimli früech Lüüt cho. Auso hani dene haut mau zmorge gmacht.Plötzlich chöme immer meh lüüt u am Schluss no e ganzi Gruppe. D Musig hani o nid chönne ala.Jetz hei die so es meeting gha bi mir im Hotel. Hani natürli nid chönne wüsse.
Si hei de wärend däm i bi umegütteret ha kochet u serviert, sone sitzig abghaute. Mits ir sitzig geit plötzlich d Musig los, houptsach woni se ha wöue isch si nid cho.
De hani 2 müehsami lüt gha vo Irland die hei wäg auem gmotzet. Plötzlech gsehni das es irgendwie rouchnet. De bini id Chuchi gsprunge. Aha s Toast isch nid usegspickt, auso het das afa brönne im Toaster inne. De hets mer natürli grad no d Sicherig usedonneret. U wie chönnts angers si. hüt isch natürli sunnti u niemer ume. Auso hani haut säuber afe meche...
Dr Toaster isch jetz haub gschmouze :-) u chli piinlech ischs ja scho gsi wo während em Meeting plötzlich Rouchschwadene si cho...
Hie isch zwar immer schöns Wätter aber vo Organisation hei mer ke Ahnig. Ichoufe duet me ir Regu we d Gäst scho do si.

e chlini mäudig zum Thema putze...

hie het me es totau neus System erfunge u i fin ge das söt me mau im Teleshoppingkanau bringe. dr Bode mues me hie nid wüsche, im Restrant. We z.b. Brösmeli am Bode si wartet me eifach bis d Ameisi chöme u das mitnäh. Stoubsufer? hallo, das gits hie nid. Immerhin hani jetz afe Strohm u sogar Gas für e Gasherd :-)

@Mia: hahaha dä huere Blauoug grännet mer jetz huere ine. Komedi. Immer polisch schnore mit sim Homie.jo i lehre o no polisch, klar

Hallo zäme

Hie chöme no es paar Fotos vor Drag Queenshow. Isch rächt lustig gi. U no afe es paar vom Tattoo aber has nid so guet chönne fötele.

Jetz no s Tattoo leider hani no kes guets Foto: